11- அல்லாஹ் நேசித்து ஆனந்தமடையும் மூன்று நபர்கள்!
عَنْ أَبِي الدَّرْدَاءِ ؓ عَنِ النَّبِيِّ ﷺ قَالَ: ثَلاَثَةٌ يُحِبُّهُمُ اللهُ وَيَضْحَكُ إِلَيْهِمْ وَيَسْتَبْشِرُ بِهمْ: الَّذِي إِذَا انْكَشَفَتْ فِئَةٌ قَاتَلَ وَرَاءَهَا بِنَفْسِهِ لِلّهِ فَإِمَّا أَنْ يُقْتَلَ وَإِمَّا أَنْ يَنْصُرَهُ اللهٌ وَيَكْفِيَهُ فَيَقُولُ: انْظُرُوا إِلَي عَبْدِي هذَا كَيْفَ صَبَرَ لِي بِنَفْسِهِ؟ وَالَّذِي لَهُ امْرَأَةٌ حَسَنَةٌ وَفِرَاشٌ لَيِّنٌ حَسَنٌ فَيَقُومُ مِنَ اللَّيْلِ فَيَقُولُ: يَذَرُ شَهْوَتَهُ وَيَذْكُرُنِي وَلَوْشَاءَ رَقَدَ، وَالَّذِي إِذَا كَانَ فِي سَفَرٍ وَكَانَ مَعَهُ رَكْبٌ فَسَهِرُوا ثُمَّ هَجَعُوا فَقَامَ مِنَ السَّحَرِ فِي ضَرَّاءَ وَسَرَّاءَ. رواه الطبراني في الكبير باسناد حسن الترغيب:١/٤٣٤
ஹள்ரத் அபூதர்தா ரலியல்லாஹு அன்ஹு அவர்கள் அறிவிப்பதாவது:
ரஸூலுல்லாஹி ஸல்லல்லாஹு அலைஹி வஸல்லம் அவர்கள் கூறினார்கள்:
மூன்று நபர்களை அல்லாஹ் நேசிக்கிறான், அவர்களைக் கண்டு அளவில்லா ஆனந்தம் அடைகிறான்.
முதலாமவர், தமது தோழர்கள் யாவரும் போர்க்களத்தை விட்டு ஓடிய பின்னும் தனித்து நின்று அல்லாஹ்வின் பொருத்தத்தை நாடிப் போரிடுபவர். பிறகு அவர் ஷஹீத் ஆகிவிடலாம் அல்லது அல்லாஹ் அவருக்கு உதவி செய்தால் வெற்றி கிடைத்துவிடலாம். அல்லாஹ், (மலக்குகளிடம்) எனது இந்த அடியானைப் பாருங்கள்! எனது பொருத்தத்தை நாடி எவ்வாறு போர்க்களத்தில் உறுதியாகத் தனித்து நின்று போரிடுகிறார்!'' என்று கூறுகிறான்.
இரண்டாமவர், தனக்கு அருகில் அழகிய மனைவி இருக்க மிருதுவான படுக்கையும் இருக்க (இவையனைத்தையும் விட்டுவிட்டு) தஹஜ்ஜத் தொழுகையில் ஈடுபடும் நபர், பாருங்கள்! தனது ஆசைகளை விட்டுவிட்டு என்னை நினைப்பதில் ஈடுபட்டுள்ளார், அவர் விரும்பினால் தூங்கியிருக்க முடியும்!'' என்று அல்லாஹ் கூறுகிறான்.
மூன்றாமவர், ஒரு கூட்டத்தாருடன் பயணம் செய்கிறார், அக்கூட்டத்தினர் இரவில் நெடுநேரம் விழித்திருந்த பின் தூங்கிவிட, அவர் மட்டும் இரவின் கடைசிப் பகுதியில் அவர் மனம் விரும்பியோ, விரும்பாமலோ தஹஜ்ஜத் தொழுகைக்கு நின்றுவிடும் நபர்''.
நூல் :தபரானி, தர்ஙீப்
